Ish-kryeministri Sali Berisha zhvilloi një takim me studentët dhe të rinjtë e PD-së ku ka ngritur një sërë shqetësimesh për sistemin universitar.
Berisha tha se kryeministri Rama është armik i universiteteve, teksa shtoi se 8 vite më parë ndërpreu mbrojtjen e doktoraturës.
Sipas ish-kryeministrit, mbrojtja e doktoratës sot shkon deri në 100 mijë euro.
“Universiteti forcohet vetëm përmes kërkimit shkencor. Nuk ka universitet që ekziston pa kërkimin shkencor të pedagogëve dhe studentëve. Ky ndërpreu 8 vite më parë mbrojtjen e doktoratave. Ky është një armik i universiteteve.
Të gjitha kërkimet si rregull shkencore bëhen në procesin e doktoratave. Sot për të mbrojtur një doktoratë, një asistent apo intelektual, duhet të matet sepse i shkon deri në 100 mijë euro. Eksperienca më e hidhur në kohën e komunizmit nuk krahasohet me situatën sot.
Pedagogët tuaj po luftojnë për mbrojtjen e universiteteve. Sindikatat kanë bërë një thirrje dhe fatmirësisht ka nëj reagim shumë pozitiv. Këtyre sindikatave duhet t’u bashkohen studentët”, tha Berisha.