Një garë e re ka nisur mes ish-Kryeministrit Sali Berisha dhe Kryeministrit Edi Rama. Bëhet fjalë për rrjetin social TikTok. Berisha e akuzon Ramën se ai i ka blerë pëlqimet dhe ndjekësit, ndërsa shprehet se të rinjtë e ndjekin në TikTok për shkak të sloganit “Kurrë mos u dorëzo”.
Pyetje: Së fundmi, ju jeni aktiv edhe në TikTok, le ta quajmë një platformë që ka target rininë. Besoni se mund të angazhoni vota nga tik tok?
Sali Berisha: Preferenca për Sali Berishën tek të rinjtë krahasuar me Edi Ramën është 2-3 me 1 në favor. Të rinjtë nuk e duan atë. Pavarësisht nga TikTok, ata votojnë Sali Berishën sepse gjejnë motivin “never give up”, kurse te Edi Rama gjejnë arrogancën: “Kurrë mos u dorëzo!
Pyetje: Vazhdoni të mos paguani për rrjetet sociale? I keni ndjekesit dhe likes bio?
Sali Berisha: Jo, nuk paguaj. Kurrë nuk paguaj për likes.
Pyetje: Dhe si mund t’i përktheni ndjekësit në votë?
Sali Berisha: Me shpresë! Vota është e lirë, por shpresoj që po, se ka një klimë tjetër. Ai bën dyfishin e postimeve, unë kam dyfishin e ndjekësve.
Ai ka më shumë ndjekës se ju, 500 mijë më shumë .
Sali Berisha: Interesin për faqen e kam unë, po ato i ka të blera ai. Vetëm në fushatën e fundit ka shpenzuar sipas KQZ 32 mijë euro blerje, kurse ai që ishte karshi tij 52 mijë euro. Këtej i linte kandidatët pa financa dhe i përdorte për likes për vete. Këta janë qesharakë të dy. Iku ai, por dhe ky do të ikë.