Edhe këtë të martë, një grup pedagogësh kanë dalë sërish në protestë dhe paralajmëruan se do të vazhdojnë bojkotin e procesit mësimor, derisa të merren parasysh kërkesat e tyre. Kreu i Sindikatës së Pedagogëve, Sandër Kovaçi tha se nesër do të mblidhet një forum me të gjithë pedagogët e universiteteve, studentë dhe aktivistë ku do të diskutohet për problematikat e universiteteve.
“Derisa të marrin udhë plotësimi i kërkesave të profesoriatit dërguar autoriteteve. Procesi i ndjekjes së peticionit e protestat kanë nxjerrë në dritë nevojën për një platformë të re universitare. Nesër në orën 11:00 do të jetë një forum i gjerë me Profesoratin, pedagogë, studentë, aktivistë, gazetarë.
Ditë e rëndësishme për të përfshirë idetë e zgjeruara të këtij grupimi, do jepet në forum përmbledhje e ideve që do përfshihen më pas në një platformë të re të universiteteve.
Bojkot i përgjithshëm i mësimit dhe pjesëmarrje e përgjithshme në këtë Forum. Dekanët po mbledhin njerëzit për ti kërkuar mungesat. Do jenë para gjykimit të plotë të profesoratit pas dy vitesh. Vota nuk do manipulohet më. Do kërkojmë që përfshirja e studentëve në votim të jetë minimumi 20 përqind”.