Kryetari i Partisë së Lirisë, Ilir Meta është shprehur se i respekton primaret e Sali Berishës. Në një konferencë për mediat nga partia, tregoi edhe se Berisha i ka theksuar se mban përgjegjësinë për këtë proces dhe i ka bërë të qartë se kandidatët që do të përpiqen që të dëmtojnë kolegët, duhet të përjashtohen nga gara.
“Unë kam lavdëruar gjithmonë primaret dhe kam theksuar se duhet të jemi të kujdesshëm në kushtet e një regjimi mafioz, ku vetë fakti që vulën e PD-së e mban në xhep Edi Rama dhe e përdor kundër opozitës është një rast shumë i qartë dhe flagrant për të gjithë qytetarët shqiptarë, përfshirë dhe socialistët e ndershëm.
Kam thënë se e mban Berisha përgjegjësinë. Shqiptarët presin fitoren, prandaj mban përgjegjësinë se ai e ka ideuar dhe e ka nisur. Është proces i vonuar, duhet ti kishte marrë masat më para megjithatë duhet të bëjë cdo gjë që kjo cështje të zgjidhet sa më parë se kmei një regjim patronazhist, të dhunshëm. Çdo kandidat që përpiqet të dëmtojë kolegun brenda primareve, duhet të përjashtohet nga gara”, tha Meta.