Ish-kryeministri Sali Berisha ka folur për takimin me kryetarin e Partisë së Lirisë dhe bashkëpunimin për zgjedhjet lokale.
Në një intervistë për A2CNN, Berisha tha se nuk diskutuan për emra konkretë, por vetëm për modalitetet.
Ndërsa për aleatët e tjerë, Berisha tha se ka nisur diskutimet që edhe ata të përfshihen në këtë proces.
Berisha: U diskutua për aleancën. Natyrisht do jetë marrtëveshja ajo që do përcaktojë modalitetet e kryetarëve të bashkisë dhe kryetarëve të këshillit.
Pyetje: Çfarë përcakton kjo marrëveshje?
Berisha: Modalitetet e garës elektorale për zgjedhjet vendore.
Pyetje: Kush do jenë emrat?
Berisha: Sinqerisht nuk kemi diskutuar emrat sot. Ajo që ka rëndësi kapitale, zoti Meta deklaroi se pranon plotësisht primaret. Shprehu interes që forcat të sjellin referendumin dhe primaret në Shqipëri.
Pyetje: Është përfolur për 3 emra kryesorë në garën për Bashkinë e Tiranës, Belind Këlliçi, Ilir Alimehmeti dhe Gert Bogdani. Cili mendoni se është kandidati më i mirë?
Berisha: I përgëzoj të gjithë ata që marrin vendimin për të garuar për kryeqytetin. Ata janë kandidatura të pakrahasueshme. Një person që sot personifikon më shumë se çdo gjë tjetër, hajdutin e parë të kryeqytetit. Vlerësimi im është maksimal për të tre
Pyetje: Po Ilir Meta ka ndonjë preferencë?
Berisha: Nuk kemi diskutuar për kandidatura. Ilir Meta ka mbështetur plotësisht primaret. Është e një rëndësie të madhe për mua. Gjithçka do të diskutohet sëbashku me aleatët. Edhe me Idrizin do negociojmë, edhe me Shehin do negociojmë.