Është një nga moderatoret më të dashura dhe të njohura për publikun shqiptar, i cili e ka ndjekur që nga hapat e parë në radio e deri më sot.
Kohët e fundit moderatorja e njohur ka qenë vazhdimisht pjesë e shtypit rozë për shkak të divorcit me partnerin e saj, por edhe thashethemeve për një lidhje të mundshme brenda ambienteve të punës.
Deri më sot ajo nuk ka pranuar asgjë dhe ka vazhduar jetën sikur të mos ketë ndodhur asgjë, e sigurisht nuk u ka munguar as rrjeteve sociale.
Kohët e fundit ajo është bërë shumë aktive në Instagram, por vetëm sot ndjekësit e saj kanë vënë re një detaj në varësen e moderatores, të cilit nuk i kemi kushtuar rëndësi.
Bëhet fjalë për numrin 7 në varëse, të cilin e mban gjithmonë pranë inicialit ”J” që simbolizon Jonin, djalin e saj.
“Çfarë kuptimi ka ajo varësja me nr. 7? Apo është shkronja z?”, e pyet dikush në Instagram, ndërkohë që Arbana ia kthen:
“Është datëlindja ime”, shkruan moderatorja duke shuar kështu dhe kuriozitetin për të gjithë ndjekësit e saj.
Arbana ka lindur më 7 maj të 1983-it dhe sivjet do të mbushë 36 vjeç.
