Në protestën e kësaj të hëne, kreu i Sindikatës së Pedagogëve, Sandër Kovaçi ka paralajmëruar se do të nisin grevën e urisë nëse qeveria nuk iu plotëson kërkesat për dy ditë. Sipas tij, të mërkurën në orën 16:00 nis greva e urisë. ‘
‘Në këto kushte pas një diskutimi është propozuar që të kalohet në trajtën e grevës së urisë apo ngujimit, si e vetmja formë që e lejon ligji, që mund të bëjë efekt për të detyruar qeverinë që të vërë arsimin si prioritet kombëtar. Pasi e pritëm tre vite, i lamë dy muaj kohë për të reaguar, i lëmë edhe dy ditë kohë për ti dhënë zgjidhje kërkesave tona. Më datë 2 tetor të gjithë jemi këtu”, tha Kovaçi.