Në takimin me disa të rinj në Ersekë, kryeministri Edi Rama vuri fokusin te emigrimi.
Kreu i qeverisë theksoi se sot jemi një vend me liri lëvizje dhe të rinjtë mund të provojnë eksperienca të reja, por kurrsesi të përqafojnë idenë se këtu nuk ka asnjë mundësi.
Ndërsa ndau eksperiencën e tij si emigrant, Rama shtoi se nuk ia ndalon askujt ta provojë, por jo në rrugë ilegale dhe jo me bindjen që Shqipëria nuk ka mundësi për t’iu ofruar.
“Unë kam qenë emigrant dhe e di për çfarë flas. Mua s’më ka dalë keq dhe nuk i them askujt mos e provoj, kjo është sipas njeriut, nuk ka të drejtë askush, shtet qeveri që duhet t’i tregojë po ose jo, por kurrë me kontrabandistë dhe rrugë ilegale për të harxhuar të gjithë ato para dhe duke mos ditur ku përfundon, edhe kurrë me idenë që këtu nuk ka mundësi. Sot ne po afrohemi gjysmë miliardi euro eksporte bujqësore që as nuk imagjinoheshin”, tha Rama.