Kryeministri Edi Rama vijon që të tregojë sesi funksionon shantazhi mediatik nga Top Media Group. Përmes një postimi në Twitter, Rama zbulon se janë kërkuar 120 mln lekë nga AZHBR-ja, kjo për t’u treguar shqiparëve kudo ndodhen sa mirë po ecën Shqipëria rurale. Kur kjo nuk ndodh, sipas kreut të qeverisë, pllaka kthehet përmbys dhe dynjasë i jepet një emision i tërë me gllabërim parash të bujqësisë. ”Një fabrikim nga fillimi në fund me gjysëm të vërteta që janë edhe gënjeshtrat më të mëdha, e ngjashme si dy pika uji me një fabrikim nga i njëjti kanal për Rilindjen Urbane”.
Postimi i plotë
”Ja për shembull se si funksionon shantazhi mediatik. Kërkohen 120mln lek nga AZHBR për t’u treguar shqiparëve kudo ndodhen sa mirë po ecën Shqipëria rurale. AZHBR s’e plotëson dot kërkesën e shpjeguar në shumë faqe se si e qysh tërë dynjaja do shohë shqip/anglisht suksesin e saj! Atëherë pllaka kthehet përmbys dhe dynjasë i jepet një emision i tërë me gllabërim parash të bujqësisë, një fabrikim nga fillimi në fund me gjysëm të vërteta që janë edhe gënjeshtrat më të mëdha, e ngjashme si dy pika uji me një fabrikim nga i njëjti kanal për Rilindjen Urbane”,-shkruan Rama.