Një “marrëveshje”, ose të paktën një ndërthurje e interesave mes Donald Trump dhe Vladimir Putin, nga njëra anë, ndërhyrje e hakerëve rusë në favor të miliarderit amerikan në fushatën presidenciale 2016 dhe nga ana tjetër, jo më pak, pushtimi i Ukrainës. Një hetim i New York Times duket se lidh pikat, midis Manhattan-it dhe Moskës.
Sipas asaj që shkruan Neë York Timës bëhet fjalë për ngjarje të ndodhura në 28 korrik 2016. Hillary Clinton pranon nominimin e demokratëve, ndërkohë që Paul Manafort, lobist dhe këshilltar i fushatës së Donald Trump, është gati të takojë rusin që drejton zyrën e firmës së tij konsulente në Kiev.
Konstantin Kilimnik, siç quhet rusi, do t’i tregojë për një plan: “Plani Mariupol”. Që tashmë përmban gjithçka: pushtimin e Ukrainës; krijimi i një republike autonome në lindje të vendit; presidenca e asaj republike i është caktuar ish presidentit ukrainas Vyktor Janukoviç, i rrëzuar nga trazirat.
Për New York Times, roli i Trump në këtë pakt ishte ai i “garantuesit”: nëse Kremlini do t’i kishte garantuar fitoren, “plani i Mariupolit” do të kishte ecur pa probleme. Por jo gjithçka shkoi sipas parashikimeve. Fitorja e Joe Biden në zgjedhjet presidenciale të 2020-ës, për shembull, sipas rindërtimit të Neë York Times do t’i kishte komplikuar planet; dhe po ashtu ishte edhe dënimi i Paul Manafort për mashtrim. Por pushtimi i planifikuar i Putinit u bë gjithashtu.