Një shqiptare ka rënë në prangat e policisë greke. Ajo u arrestua së bashku me një burrë me origjinë arabe, teksa po merrnin me qira një makinë nga një zyrë në Kalamata.
Nga hetimet paraprake rezulton se gruaja shqiptare me kartë identiteti dhe diplomë false, ka marrë makina me qira në rajone të ndryshme të vendit, së bashku me një bashkëpunëtor me origjinë arabe, të cilët trafikonin emigrantë të paligjshëm, ndërsa mjetet e marra me qira nuk i kthenin më.
Dy të arrestuarit janë nxjerrë para organeve hetimore të Kalamatës ku akuzohen si anëtarë të një organizate kriminale për trafik të paligjshëm njerëzish, falsifikim dhe përvetësim të produkteve me vlerë të madhe.