Kryeministri i Kosovës, Albin Kurti ishte sot në Berlin ku bashkë me liderët e tjerë të vendeve të Ballkanit Perëndimor kanë marrë pjesë në Samitin për rajonin në kuadër të Procesit të Berlinit.
Në një konferencë për media kreu i Qeverisë së Kosovës është pyetur për mungesën e Aleksander Vuçiçit në këtë organizim ku edhe janë nënshkruar tri marrëveshje.
Kurti ka thënë se nuk e di arsyen pse Vuçiç nuk ka marrë pjesë në Samit, ndërsa ka shtuar se nuk është se i ka munguar dikujt.
Pas kësaj, Kurti duke se ka thumbuar kryeministrin Rama, duke thënë se “ndoshta ndokujt i ka munguar, por sigurisht jo mua”, shkruan gazeta Express.
“Nuk e di pse nuk ka ardhur për besë edhe nuk është që na mungoi fort, ndoshta ndokujt, por sigurisht jo mua”, ka thënë Kurti në konferencë për gazetarët.