Ish-deputetja Mimoza Hajdarmataj prezantoi sot kandidaturën për primare për Bashkinë e Tropojës. Në një deklaratë për mediat nga selia blu, ajo tha se angazhohet “për një proces të rregullt, të ndershëm dhe korrekt”, teksa theksoi se vendimmarrja “është e anëtarëve dhe simpatizantëve të PD”.
“Në Tropojë nuk ekziston më asnjë lloj shërbimi ndaj qytetarit. Arsimi, drejtoritë rajonale, deri te AKU, çdo gjë ose në Shkodër, ose në Lezhë.
Qeverisja e keqe i ka bërë tropojanët të marrin rrugët e emigrimit, duke lënë bosh një zonë që e ka bekuar Perëndia.
Për këto dhe shumë arsye të tjera, do të jem pjesë e garës me shpresën se demokratët e Tropojës do të më besojnë mua fatin e qytetit, për t’i rikthyer atij dhe banorëve të tij gjithçka meritojnë”, u shpreh ajo.