Në helikopterin A109 që u rrëzua këtë të shtunë në Foggia të Italisë nuk arriti të mbijetonte asnjë nga shtatë personat që ndodheshin në bord.
Ndërkohë kanë dalë edhe emrat e personave që kanë humbur jetën, të cilët dyshohet të kenë qenë turistë sllovenë, 4 prej të cilëve anëtarë të së njëjtës familje.
Bëhet fjalë për Bostjan Rigler, Jon Rigler, Mateja Curk Rigler, Liza Rigler. Mes viktimave edhe Maurizio De Girolamo, një mjek që po kthehej në shtëpi pas turnit të tij në Tremiti, dhe pilotët Luigi Ippolito dhe Andrea Nardelli.
Helikopteri ishte nisur në orën 9:20 nga Ishujt Tremiti dhe më pas kishte humbur gjurmët. Pjesët e helikopterit u gjetën në një zonë rurale të Castelpagano di Apricena.