Në një takim pune mëngjesin e kësaj të mërkure mes SPAK-ut dhe Antimafies Italiane, në fjalën e tij kreu i Prokurorisë së Posaçme (SPAK) Arben Kraja, ka deklaruar se grupet kriminale shqiptare janë bërë shumë më të rrezikshme, dhe kanë ndryshuar aktivitet.
Kraja po ashtu pohoi se grupet shqiptare tashmë po operojnë edhe në vende të tjera ku prodhohet dhe tregohet droga, madje edhe në Dubai.
“Grupet kriminale kanë ndryshuar aktivitetin kohët e fundit. Kanë shtrire aktivitetin në vendet ku prodhohet droga, ku tregtohet madje edhe në Dubai. Gjithashtu grupet kriminale janë bërë shumë të egër”.