Një nënë e zemëruar ka hyrë në një klasë për të rrahur një nxënës që ka ushtruar dhunë tek i biri.
Ngjarja ka ndodhur në Argjentinë. Mami Roxana pretendoi se djali i saj, Benjamin, u kthye në shtëpi i gjakosur pas mësimit dhe ajo shkoi në shkollë të nesërmen duke kërkuar djalin që lëndoi fëmijën e saj.
Në videon e regjistruar nga shokët e klasës në shkollën në provincën Rio Negro, Argjentinë, prindi i kërkoi djalit të saj të tregonte nxënësin që ka abuzuar me të dhe psa e identifikoi vrapoi duke e ngjeshur pas murit.
Ajo bërtiti: Ju ka mbetur edhe një vit për t’u diplomuar, o të poshtër.
Roksana i rrëzoi djalit kapelën e bardhë dhe i ra me shuplakë fytyrës, duke bërtitur: “Ç’ke me djalin tim?”
U deshën dy të rritur dhe disa studentë të gjithë të moshës rreth 15 vjeç për ta ndaluar atë.
Videoja u bë virale në internet dhe shumë nga ata që e kanë parë kanë kritikuar Roksanën për veprimet e saj. Më pas ajo kërkoi falje duke thënë: Unë do t’i kërkoj falje studentit dhe familjes së djalit. Situata më ka pushtuar emocionalisht, nuk i justifikoj veprimet e mia. Është një situatë që mund të ishte shmangur shumë kohë më parë.
Ajo pohoi se kishte paralajmëruar tashmë drejtorin e shkollës për sjelljen e dhunshme të dhunuesit, por ai nuk u përgjigj kështu që ajo vendosi të merrte drejtësinë në duart e saj.
Roxana tha: Një ditë Benjamini erdhi në shtëpi i përgjakur. Unë e raportova këtë tek autoritetet e shkollës dhe ata nuk më dhanë përgjigje. Më thanë se nuk mund të ndërhynin sepse ishin të mitur.
Ajo tha se djali i saj kishte pësuar “ngacmim në banjë” dhe pretendoi se ngacmuesit e pështynin dhe i grisnin rrobat, e quanin të trashë dhe do ta prisnin në dalje për ta rrahur.
Ministria e Arsimit kritikoi sulmin dhe njoftoi se do ta hetojnë këtë çështje.
Ata deklaruan: Autoritetet arsimore në Alto Valle bënë një ankesë kundër personit që hyri në institucion dhe sulmoi fizikisht dhe verbalisht të miturën. Si arriti një i rritur i cili nuk punon apo nuk ndjek shkollën të hyjë në institucion dhe më vonë në klasë, pa asnjë lloj autorizimi?