Kush do ta kontrollojë Kongresin Amerikan? Beteja vijon ende, teksa votuesit po shkojnë drejt qendrave të votimit. Rezultatet e deritanishme tregojnë garë të fortë mes demokratëve dhe republikanëve, ndërsa të dyja partitë mbajnë shpresat për të fituar shumicën e ngushtë.
Balanca e pushtetit në Kongresin amerikan do të përcaktohet ditën e sotme, ndërsa nga rezultatet e deritanishme po kryesojnë republikanët.
Partia që do të kontrollojë Senatin pritet të kryesojë me një ndryshim të vogël numrash. Mbetet për t’u parë nëse demokratët do të vazhdojnë të mbajnë shumicën në Senat dhe Dhomën e Përfaqësuesve, duke mbështetur politikat e presidentit Biden apo do të zhvendosin pushtetin tek republikanët.
Nëse republikanët do të arrijnë fitore, mund të shtohet trysnia ndaj Biden për të rikandiduar në zgjedhjet presidenciale të vitit 2024.