Ermal Mamaqi dhe Iva Tiço patën një “përplasje” pak ditë më parë në rrjete sociale dhe shkak u bë libri i botuar së fundmi nga aktori, titulluar “Në garë me veten”.
Mamaqi ka sqaruar sot komentet ironike që dy personazhet e botës së televizioni i drejtonin njëri-tjetrit.
“Nuk ishte e llogaritur. Madje, ishte keqardhje që pavarësisht humori që unë i bëj gjërat dhe jap mesazhin. Me erdhi keq që ajo ishte shprehur ashtu. Se pavarësisht se ajo mund të mos ta pëlqej librin, po ky është një biznes dhe po ironizon rrogën e shumë familjeve që kanë punuar për të. Janë disa momente që shfrytëzohen për marketing megjithëse keqardhjen që kam kur disa njerëz shprehen kështu, sidomos Ivën që e njoh. Nuk ka rëndësi se çfarë flitet, rëndësi ka që flitet. Të gjithë ata njerëz që sulmojnë dhe shajnë kanë nevojë të vijnë në këto trajnime dhe të lexojnë librin. Patjetër që Iva . E mira do të ishte që këto komente të vinin pasi ta kishin lexuar këtë libër”, u shpreh Ermali në ABC e pasdites.
Thumbat mes tyre nisën nga një postim i publikuar nga Anisa Kushta, personazh i njohur në rrjetet sociale, e cila kishte ironizuar botimin e ri të Ermal Mamaqit.
Në një fotomontazh ajo kishte paraqitur një kopertinë libri, titullin e të cilës e kishte modifikuar: “Në garë me qentë e lagjes”. Ky postim mori edhe vëmendjen e Ivës, e cila la një koment.