Për situatën e tensionuar në veri të Kosovës, kryeministri i Kosovës, Albin Kurti, do të udhëtojë këtë të enjte për në Paris me ftesë të presidentit francez Emanuel Macron, ku do të marrë pjesë në Forumin e Paqes.
“Nesër, pra të enjten, herët në mëngjes do të nisem për Paris për të marrë pjesë në Forumin e Paqes, bashkë me gruan time Ritën, e me ftesë të Presidentit Francez Emmanuel Macron. Përveç punimeve dhe darkës përgjatë këtij forumi prestigjioz, ndoshta mund të ketë edhe një takim trilateral me Presidentin e Serbisë i cili po ashtu është ftuar atje. Unë me vete do të kem ekipin tim gjashtëanëtarësh nga kryeministria”, ka njoftuar Kurti.
Kurti është shprehur se është i gatshëm dhe i përgatitur për marrëveshje përfundimtare me njohje reciproke, ndërsa shton se në tavolinë janë dy propozime.
“I kemi dy propozime në tavolinë: ai imi për kornizën e përgjithshme të marrëveshjes i prezantuar në takimin e 18 gushtit 2022 në Bruksel, si dhe propozimi franko-gjerman që ka mbështetjen e Shteteve të Bashkuara të Amerikës dhe Bashkimit Evropian, i prezantuar nga emisarët Jens Plötner dhe Emmanuel Bonne”.