Supermodelja Gigi Hadid është ende duke u kujdesur për ish-të dashurin Zayn Malik, ndërsa romanca e saj me Leonardo DiCaprio vijon e bëhet më serioze.
Hadid ka qenë e kujdesshme që të mos e vendosë jetën e saj sentimentale në qendër të vëmendjes për shkak të respektit për babanë e vajzës së saj, me të cilin u nda në tetor të vitit 2021.
“Gigi dhe Leo janë parë me njëri-tjetrin dhe janë shumë të dashuruar, por Gigi është përpjekur t’i mbajë gjërat private në marrëdhënien e tyre…Gigi po përpiqet të jetë e ndërgjegjshme për ndjenjat e Zayn dhe nuk dëshiron të tregojë mungesë respekti ndaj tij me lidhjen e saj të re. Ata të dy duan vetëm atë që është më e mira për njëri-tjetrin. Ata po bëjnë çmos për të pasur një marrëdhënie të përzemërt, për të qenë prindërit më të mirë që mund të jenë për Khai-n”, tha një burimi i brendshëm për mediat e huaja.