Ish-deputetja demokrate, Rudina Hajdari e cilësoi një nga protestat më të mëdha të organizuara ndonjëherë në 20 vitet e fundit atë të 12 nëntorit, të thirrur nga Sali Berisha.
Në një intervistë në “Euronews Albania”, ajo u shpreh se pjesëmarrja masive e qytetarëve i dha një mesazh kryeministrit Edi Rama.
“E kemi parë reagimin pozitiv që mezi po e prisnin 12 nëntorin, kisha ndjesinë që do dilte akoma më mirë se 7 korriku dhe ashtu doli. Tirana sidomos, kishte një pjesëmarrje goxha të madhe, është shumë e rëndësishme. Është një nga protestat më masive që ka pasur vendi në 20 vitet e fundit. Edhe mënyra sesi u organizua, paqësore, e denjë, kjo është një betejë mes shqiptarëve dhe klubit të miliarderëve me në krye Edi Ramën. Ajo çka është e rëndësishme, mesazhi që i dha populli shqiptar Edi Ramës është i qartë, që ai nuk e gëzon më popullaritetin që ai mendon që ka me qytetarët shqiptarë”, deklaroi Rudina Hajdari.