Samiti i G20 pritet që sot të hapë dyert në Bali duke mirëpritur udhëheqësit e kombeve më të pasura të globit. Në krye të axhendës, është lufta në Ukrainë dhe thirrja e Presidentit ukrainas, Zelensky ishte të ndalin luftën e Rusisë në vendin e tij sipas një plani paqeje që ai ka propozuar.
Kryeministri i ri i Britanisë së Madhe, Rishi Sunak tha se “vendet nuk duhet të pushtojnë fqinjët e tyre” ndërsa dënoi pushtimin rus të Ukrainës.
Teksa i pranishëm ishte ministri i Jashtëm rus Sergei Lavrov në sallën plenare, Kryeministri i bëri thirrje Moskës që të “largojë trupat nga Ukraina dhe t’i japë fund kësaj lufte barbare”, pasi ai fajësoi konfliktin për përkeqësimin e sfidave ekonomike globale.
Ai kritikoi presidentin rus Vladimir Putin për shmangien e takimit, duke thënë: “Ndoshta nëse do ta kishte bërë, ne mund të vazhdonim me rregullimin e gjërave”.