Një 82 vjeçare në Komotini të Greqi është gjetur e pajetë në shtëpinë ku jetonte me bashkëshortin e saj. Sipas raportimeve të bëra nga mediat greke, dyshohet se bashkëshorti i saj kishte fshehur vdekjen e saj edhe nga të afërmit.
Dyshimet janë ngritur nga një i afërm i 82 vjeçares për shkak të mungesës së komunikimit prej ditësh. I afërmi ka hyrë në shtëpi ku ka gjetur 82 vjeçaren e pajetë dhe menjëherë ka njoftuar policinë.
Ndërkohë ende nuk është bërë autopsia për të përcaktuar shkakun e vdekjes së gruas greke. Deri më tani dyshohet se kishte ditë që bashkëshorti i viktimës kishte fshehur vdekjen e të moshuarës.