Për shumë muaj, Shqipëria është sulmuar nga hakerat nga Irani dhe të dhënat kanë dalë sheshit, ku shumica kanë nxjerrë edhe skandale. Analisti Kreshnik Spahiu shtoi pyetjen nëse Shqipëria do të jetë vetëm objektiv i sulmeve kibernetike nga Irani, apo mund të kalohet në sulme terroriste.
Spahiu nënvizon se i trembet faktit se në të ardhmen, mund të ketë atentate në vend dhe shtoi se qeveria shqiptare duhet të bëjë transperancë dhe të informojë qytetarët për një rrezik të mundshëm.
“Çështja është, a do të ndalen sulmet ndaj Shqipërisë vetëm në kuadrin e një terrorizmi kibernetik?Unë i trembem atentateve të mundshme njerëzore që mund të kemi viktima në të ardhmen. Shoqëria shqiptare duhet të jetë e përgatitur dhe minimalisht, qeveria duhet të jetë transparente dhe të thotë, është sot populli shqiptar dhe territori i kërcënuar nga një sulm terrorist? Duhet të dalin e të na e thonë”.