Edhe këtë të premte, banorë të Divjakës më mbështetjen të deputetëve të PD-së, po protestojnë kundër vendosjes së traut në Parkun Kombëtar të Divjakës, aty ku edhe po punohet për vendosjen e biletarisë. Banorët nisën një marshim-protestë në drejtim të parkut për të kundërshtuar vendosjen e traut.
Deputeti i PD-së Saimir Korreshi, thotë se rruga ku do të vendoset trau është e vetmja që të çon në plazhin e Divjakës.“Është i vetmi park në Shqipëri që është ruajtur nga banorët. Ministrja duhet të heqë një herë e më parë nga ideja e çmendur, po taksohet ajri”.
Ministria e Turizmit sqaroi dje se bileta do të kushtojë 50 lekë dhe do të jetë vetëm për turistët dhe jo për banorët e zonës. Sipas ministrisë Mjedisit vendosja e traut do të ofrojë aksesin e kontrolluar në park, përveç sigurimit të të ardhurave që do të ndihmojnë në menaxhimin efektiv e të qëndrueshëm.