Edhe këtë të premte marshimi protestë nga ana e banorëve kundëtr traut në Parkun e Divjakës, ka çuar në tension fizik mes protestuesëve dhe forcave të Policisë së Shtetit. “Mos na provokoni”, brohorasin protestuesit duke iu drejtuar policisë, dhe kanë prishur kabinën që do të shërbente si biletari.
Deputetja e PD-së, Ilda Dhori deklaroi se policia po pengonte protestën e banorëve të Divjakës. “Nuk është e nevojshme prania e policisë këtu, pasi këta qytetarë janë në të drejtën e tyre. Ata kanë lënë punën për të mbrojtur të drejtën e saj. Policia po bën një veprim të shëmtuar duke penguar qytetarët dhe duke mos i lejuar ata që të kalojnë pas traut”, tha ajo nga protesta.