Java që vjen do të jetë vendimtare për zgjidhjen e krizës politike. Zëvendësndihmës Sekretari Amerikan i Shtetit, Matthew Palmer do të vizitoi Tiranën. Kjo vizitë pritet të zhvillohet në kuadër të një turi që zyrtari i lartë amerikan do kryejë në Ballkan.
Gjatë vizitës në Tiranë, Palmer do takohet me Presidentin Ilir Meta, kryeministrin Edi Rama dhe me kryetarin e Partisë Demokratike Lulzim Basha. Në qendër të takimeve do të jenë diskutimet mbi krizën politike të krijuar pas djegies së mandateve të deputetëve të opozitës.
Zëvendësi i Hojt Brajen Ji pritet të luajë të njëjtin rol si ish-zyrtari i lartë i departamentit amerikan të shtetit pas vizitës të së cilit, 2 vjet më parë mazhoranca dhe opozita arritën një marrëveshje për të hyrë në zgjedhjet e përgjithshme parlamentare.
Nga kampi opozitar nuk ka asnjë lëvizje mbi kushtet që ata kanë vendosur: largimin e kryeministrit Edi Rama dhe zhvillimin e zgjedhjeve të parakohshme parlamentare.
Por për qeverinë këto kërkesa janë të papranueshme, ndërsa pas djegies së mandateve nga deputetët opozitarë, Kuvendi po mbushet me kandidatët pasues që janë në listat e dy partive PD dhe LSI.