Ish-presidenti i SHBA-së, Donald Trump do të ripranohet në Twitter. Elon Musk, pronari i rrjetit social, e dha këtë lajm pas një sondazhi që mblodhi mbi 15 milionë vota në harkun e një dite.
Rikthimi i Trump i ndaluar nga Twitter pas sulmit të 6 janarit 2021 ndaj Kongresit, u votua me 52% pro, ndërsa 48% janë shprehur kundër ripranimit të ish-presidentit.
Është e paqartë nëse Donald Trump do të fillojë të përdorë përsëri Twitter, pasi ka krijuar platformën e tij të quajtur Truth Social.