Kreu i bashkisë së Matit, Agron Malaj ndodhet në Selanik të Greqisë, nga ku thotë se po merr një përvojë të re për menaxhimin e mbetjeve. Përmes një postimi në Facebook, thotë se projekti W2E i zbatuar në Shqipëri, Maqedoninë e Veriut dhe Serbi synon të krijojë parakushtet për prodhimin e lëndëve djegëse alternative nga mbetjet urbane, tekstile dhe të gomës, e më tutje përdorimin e tyre nga industria lokale e prodhimit të çimentos.
“Sot në Selanik pranë impiantit Nordeco, partnerët e projektit “Waste to Energy” po shohin nga afer modelin e bashkë-përpunimit të mbetjeve si Lëndë Djegëse Alternative (LDA) me qëllim përdorimin e kapacitetit termik, në linjë me konceptin e rikuperimit në hierarkinë e menaxhimit të mbetjeve.
Projekti W2E i zbatuar në Shqipëri, Maqedoninë e Veriut dhe Serbi synon të krijojë parakushtet për prodhimin e lëndëve djegëse alternative nga mbetjet urbane, tekstile dhe të gomës, e më tutje përdorimin e tyre nga industria lokale e prodhimit të çimentos”.
