Klodian Zoto, Mirel Mërtiri dhe Stela Gugallja, pronarët e tre koncesioneve të inceneratorëve kanë mohuar çdo akuzë të ngritura nga prokuroria e posaçme.
Përmes avokatëve mbrojtës, ata pretenduan nga arratia se në kushtet kur vendi ishte në një emergjencë mjedisore, përshpejtimi i procedurave për të fituar koncesionet nuk nënkupton përfshije në evasion fiskal, pasi procedurat janë kryer konform ligjit me vendime të këshillit të ministrave.
E në këto kushte ata kërkojnë gjykim të shkurtuar, pra gjykim me faktet e deritanishme që prokuroria speciale ka grumbulluar.
Ndërkohë, në lidhje me inceneratorin e Elbasanit, Gjykata e Posaçme ka marrë të pandehur edhe ish deputetin socialist Alqi Bllako, i cili më herët akuzohej vetëm për djegësin e Fierit, duke rënduar më tepër pozitat e tij para ligjit.
SPAK ka kërkuar për Bllakon që krahas masës së sigurimit “Arrest në burg” që ka ai tashmë për inceneratorin e Fierit, t’i shtohet po e njëjta masë sigurmi personal edhe për Elbasanin. Diccka e tillë është refuzuar nga Gjykata e Posaçme, duke e detyruar Prokurorinë t’i drejtohet Apelit të posaçëm.
Kjo gjykatë pritet të shpallë nesër vendimin e saj për ish deputetin socialist.