Sulmuesi i Kombëtares, Armando Sadiku i ka mahnitur të gjithë me supergolin e realizuar në sfidën ndaj Bazelit. 27-vjeçari e nisi sfidën nga stoli, teksa u aktivizua në fillimin e pjesës së dytë.
Vetëm 20 minuta i kanë mjaftuar “bomberit” shqiptar, për të nxjerrë nga repertori i tij një perlë duke kaluar në avantazh skuadrën e Luganos me një gol fantastik nga afro 40 metra. Ndërkohë vendasit barazuan rezultatin në minutën e 75-të me anë të Suçi.