Këto janë produktet natyrale që lejojnë në eliminimin e mykut nga shtëpia pa qenë nevoja të blini produkte kimike:
Sodë buke
Do t’ju duhet ta tretni në ujë dhe pastaj të pastroni muret, kështu do të hiqni edhe njollat.
Uthull
Përpiquni të parandaloni shfaqjen e mykut duke aplikuar çdo katër muaj një përbërje me ujë dhe uthull që dezinfekton sipërfaqet dhe eliminon bakteret që shkaktojnë mykun. Gjithashtu, ajrosini mirë ambientet, sidomos banjën, vendin e preferuar të mykut, pasi është i ngrohtë dhe i lagësht.
Kripë e trashë
Kripa e trashë përthith lagështinë. Vendoseni nëpër enë të cilat duhet t’i vendosni nëpër dhomat e shtëpisë.
Ekstrakt agrumesh
Mund ta luftoni mykun edhe me ekstrakt agrumesh. Holloni 20 pika ekstrakt në dy filxhanë ujë, përziejini dhe hidheni masën në një shishe spray. Sprucojeni më pas në sipërfaqen me myk dhe lëreni të reagojë për një orë, më pas pastrojeni me ujë. Përzierje antimyk të bëra vetë -Përgatisni një përzierje antimyk duke përzier 700 ml ujë normal, dy lugë gjelle ujë të oksigjenuar, 2 lugë kripë të imët dhe 2 lugë sodë buke. Vendoseni përzierjen në një shishe sprej, tundeni mirë dhe spërkatni në sipërfaqet me myk.
Më pas, fërkojini njollat me furçë dhëmbësh dhe myku do të zhduket. -Me 100 ml alkool ushqimor dhe 15 pika vaj esencial livande, do të parandaloni formimin e mykut nga pajisjet e banjës. Spërkatni nëpër zonat e prekura, lëreni të reagojë dhe hiqini njollat me një furçë dhëmbësh.
-Nëse myku ju ka prekur librat mund t’i pastroni me pudër. Si fillim pastrojini fletët me një pecetë, më pas spërkatini me pudër. Lëreni të veprojë për një orë dhe hiqni më pas pluhurin e tepërt. -Nëse myku ka prekur veshjet tuaja, hiqini përmes një solucioni të përbërë nga lëng limoni dhe kripë. Nëse ka prekur tendat dhe tapicerinë, përzieni gjysmë litri alkool dhe gjysmë filxhani ujë. Zhysni një leckë aty dhe fërkoni pëlhurat që duhen pastruar.