Gazetarja Rudina Demneri, e njohur si Paloma, ka folur për përvojën e saj në “Big Brother VIP”, të cilën e konsideroi mes të tjerash një eksperiencë të vështire.
E ftuar në “S’e Luan Topi”, ajo u shpreh se ka vuajtur shumë nga ana psikologjike dhe se në momentin e daljes nga programi, është detyruar të marrë ndihmë nga një psikologe.
“Më shërbeu si një rikthim shumë emocionues në një media, por në të njëjtën kohë shumë të vështirë e të egër, që unë e kam përjetuar shumë. Kam marrë një psikologe sepse nuk dalloja dot kur njerëzit më takonin në rrugë. Këtej shikoja njerëz që më shanin, bullizonin, ofendonin deri në rrënjët e familjes dhe këtej shihja njerëz që më përqafonin në rrugë. Unë nuk arrita ta ndaja dot botën virtuale”, tha Paloma.