Këngëtarja Vjollca Haxhiu ka folur për ngjarjen që i ndodhi disa javë më parë në Tiranë, ku u aksidentua teksa po kalonte në vijat e bardha bashkë me mikeshën e saj, Nera Fejzullahu, bashkëshortja e Sabri Fejzullahut.
E ftuar në “Prive”, Haxhiu tregoi se ende po rikuperohet duke zbuluar edhe pasojat e aksidentit.
“Unë jam një shofere e mirë, faleminderit Zotit nuk kam patur aksidente me makinë, por më ndodhi sa isha në këmbë, isha në Tiranë tre ditë para xhirimeve, unë isha e koncentruar në projektin, dhe isha duke ecur rrugëve në vija të bardha, makinat ishin ndalur ndërsa vjen një motoçikleta dhe direkt e në mua, unë kam shpëtuar por ka mundur të jetë më e tmerrshme, mu ka thyer një brinjë dhe këmbën e kam pak të lënduar, më duhet të qëndroj në regjim shtrati, shoferit ia fala, për momentin e kam një brinjë të thyer por me kohë rikuperohet vetë. Jam e lumtur që ka kaluar ky moment, projektin e finalizova përkundër aksidentit”, është shprehur këngëtarja.
