Nga Vlora, aty ku u zhvillua ceremonia zyrtare e Ditës së Flamurit, presidentja e Kosovës, Vjosa Osmani shkruan në një postim në faceook, se siç e kemi bërë bashkërisht rrugën historike, për të bashkërisht do ta kemi edhe rrugëtimin tonë për në familjen europiane.
Postimi i plotë
Akti i Shpalljes së Pavarësisë së Shqipërisë dhe Dita e Flamurit, janë ndër ngjarjet më të rëndësishme në historinë e popullit shqiptar. E nderuar të jem sot në Vlorë krahas liderëve shtetërorë e institucional të Kosovës dhe Shqipërisë, për ta kremtuar këtë ditë të shenjtë për ne.
Që prej Gjergj Kastrioti-Skënderbeut, Ismajl Qemalit, Hasan Prishtinës e Isa Boletinit, e deri te presidenti historik Ibrahim Rugova dhe komandanti legjendar i UÇK-së, Adem Jashari, një ëndërr dhe një ideal kishim. Sot, Kosovë e Shqipëri, bashkërisht në Vlorë, kujtojmë në këtë 110 vjetor, gra e burra, të cilët e bën të mundshme projektin e shteteve tona të pavarura.
Siç e kemi bërë bashkërisht rrugën historike, bashkërisht do ta kemi rrugëtimin tonë për në familjen evropiane. Urime Dita e Flamurit. Rroftë Kosova dhe rroftë Shqipëria!