Kreu i PD-së Lulzim Basha në takimin me kryesinë dhe ish-grupin parlamentar të PD-së ka kërkuar që në çdo takim të shpjegohet se PD është shumicë.
Burime për tirananews.al bëjnë të ditur se kreu i demokratëve ka thënë se de fakto PD është shumicë, dhe pas djegies së mandateve ka një rritje të menjëhershme në mes të të pavendosurve. “Jemi shumicë absolute në çdo sondazh të pavarur vendas dhe të huaj. Duhet ta përkthejmë sa më shpejt në votë këtë mbështetje të shqiptarëve”, mësohet të ketë thënë Basha.
Për këtë arsye, ka vijuar ai, pjesëmarrja në protestë ka një rëndësi të jashtëzakonshme. Kërkesa mbetet e pandryshueshme: largimi i Edi Ramës dhe qeveri tranzitore. Ai ka kërkuar një organizim kapila për një pjesëmarrje dhe më të madhe se në dy protestat e tjera kombëtare. “Kemi gjithë situtën në favor”, ka thënë Basha.