Për të disatën herë ka dështuar seanca për Hekuran Markun, ish-truproja e Saimir Tahirit, gjatë kohë që ishte ministër i Brendshëm. Teksa prej më shumë se një muaj, kanë përfunduar konkluzionet e organit të akuzës dhe mbrojtjes së të pandehurit, dhe pritej vetëm vendimi i togave zë zeza të GJKKO-së, por edhe këtë të mërkurë seanca dështoi, për shkak se mbrojtja kishte bërë kërkesë për shtyrje.
Ai akuzohet për trafik narkotikësh në kuadër të grupit të strukturuar kriminal. Për shkak të gjykimit të shkurtuar nëse Marku do të dënohet, i zbritet 1/3 e dënimit, ndërsa SPAK kërkoi 12 vite heqje lirie. Ndaj tij, nisën hetimet si pjesë e një grupi kriminal, bashkë me ish-truprojën tjetër të Saimir Tahirit, Agustin Dedën.
Marku u ekstradua nga Gjermania në 1 prill, për t’u përballur me akuzat e ngritura nga SPAK. Marku e Deda akuzohen se janë përfshirë në trafikun e drogës.