Edhe pse dje ishte dita e dasmës së saj, ditën e sotme Besa Shahini i është rikthyer detyrës së saj. Ministrja e Arsimit ka qenë ditën e sotme në një takim së bashku me kryeministrin Rama tek Universiteti i Arteve.
Kujtojmë se Besa dhe Dardan Molliqaj pas martesës civile, ditën e djeshme kanë mbajtur dhe një festë intime për miqtë e afërt. E mesa duket menjëherë pas punës, nusja e re nuk ka patur aspak kohë për muaj mjalti, pasi ditën e sotme i është rikthyer detyrës.
Ndërkaq gjatë takimit nuk kanë munguar as urimet e studentëve drejtuar ministres së tyre. Një praktikant mori fjalën për të treguar eksperiencën e punës në administratën publike dhe përfitoi për të uruar ministren Shahini.
Ai e uroi për martesën, ndërsa tha se do të jetë në pritje të llokumeve. “Të trashëgohesh. Nga dasma ke ardhur këtu në mbledhje. Llokume nuk morëm, por po presim”, tha ai. Kreu i qeverisë Rama ritheksoi edhe njëherë se ekselentët do të garojnë me njëri-tjetrin për të fituar vendet e punës në shtet. /gazetaShqiptare/