Shqetësimi i qeverisë së Britanisë së Madhe për emigrantët, sidomos ata shqiptarë do të bëjë që kryeministri britanik Rishi Sunak, të zhvillojë këtë javë një telefonatë me homologun Edi Rama.
Kjo telefonatë është kërkuar nga kryeministri Sunak, dhe do të vijë pas deklaratës së ashpër të sekretares së Brendshme Britanike Suella Braverman, e cila i cilësoi shqiptarët që shkojnë drejt Britanisë me gomone, si kriminelë dhe pushtues.
Një ditë më parë qeveria angleze hodhi idenë e vendosjes së Shqipërisë në listën e bardhë duke i mohuar automatikisht të drejtën e kërkim azilit. Dy muaj më parë po në një kohë të shkurtër Parlamenti ratifikoi memorandumin e bashkëpunimit me Britaninë në shkëmbimin e të dhënave me qëllimin identifikimin e personave shqiptarë me precedentë penal që mbërrijnë në Angli.