Mëngjesi i sotëm në Durrës ka nisur me një përplasje. Një person i plagosur me armë zjarri është paraqitur në orët e para të mëngjesit në spitalin rajonal të Durrësit për të marrë ndihmën e parë.
Personi i plagosur është shtetasi D. B., 40 vjeç, ndërkohë që ngjarja mendohet të ketë ndodhur në lagjen nr.17 të qytetit bregdetar.
Pas njoftimit të marrë, shërbimet e Policisë kanë shkuar menjëherë në vendngjarje dhe nga veprimet e shpejta hetimore paraprake të kryera ka rezultuar se 40-vjeçari D.B, dyshohet se është plagosur nga shtetasi G.P., 28 vjeç.