Super ndeshja e Botërorit “Katar 2022” për këtë të premte, do të zhvillohet në orën 20:00. E gjithë vëmendja e shqiptarëve, do të jetë në stadiumin “974” në të cilin përballen Serbia me Kombëtaren e Zvicrës.
Zvicra synon sot fitoren me çdo kusht kundër Serbisë, fitore kjo e cila do t’i siguronte kualifikimin në Kampionatin Botëror “Katar 2022”. Granit Xhaka dhe Xherdan Shaqiri pritet që sot t’i udhëheqin “Helvetikët” drejt fitores kundër serbëve.
Në xhiron e fundit të zhvilluar në këtë Botëror, Zvicra pësoi humbje 1:0 nga Brazili, kurse Serbia barazoi 3:3 me Kamerunin. Të dy kombëtaret i ndajnë vetëm dy pikë në Grupin G, ku Zvicra zë vendin e dytë me tre pikë, krahas Serbisë që renditet në vendin e fundit me një pikë.