Lidhur me protestën e 6 dhjetorit ka reaguar sërisht Belind Këlliçi. Ai u shpreh se nuk ka asgjë të keqe që edhe ndërkombëtarët ta marrin vesh se ky shtet është i kapur nga qeveria.
“Pse nuk duhet të protestojmë ne përpara ndërkombëtarëve? Jo vetëm ndërkombëtarët, por gjithë mediat ndërkombëtare të kupojnë se çfarë po ndodh në Shqipëri, ku shteti dhe media është kapur nga qeveria. Çfarë e keqe i vjen ndërkombëtarëve e mbi të gjitha shqiptarëve po të protestojnë për gjendjen ekonomike, për problemet e shumta që kanë qytetarët.
Pavarësisht ka apo nuk ka ndërkombëtarë, për mua sa herë ka një kauzë është mirë të protestohet. Në 6 dhjetor qytetarët do të protestojnë në mënyrë tërësisht paqësore.”- u shpreh Këlliçi në RTSH24.