Partia e Lirisë zhvilloi këtë të shtunë një takim me gjimnazistët e kësaj force politike, ku i pranishëm ishte dhe Ilir Meta.
Ish-presidenti ka postuar në rrjetet sociale një pjesë nga aktiviteti, teksa shkruan se Shqipëria iu përket të rinjve që duan të ndërtojnë të ardhmen e tyre si qytetarë të lirë dhe dinjitozë në vendin e tyre.
“Kontrata e Lirisë me Rininë, për një Shqipëri që u përket të rinjve, për një Shqipëri me të rinj të mirëarsimuar, që duan ta ndërtojnë të ardhmen e tyre si qytetarë të lirë dhe dinjitozë”, thekson mes të tjerash Meta.