Në Tiranë ende nuk ka një kandidat të PD-së së Sali Berishës, pasi në votimet e së dielës në Primaret, kandidatët dolën në balotazh.
Deputeti i PD-së, Belind Këlliçi arriti të sigurojë 4040 vota, por nuk e kaloi pragun 50% që nevojitet për të fituar primaret. Mjeku Ilir Alimehmeti i konsideruar si surpriza favorite e Primareve ka dalë në vend të dytë me 2196 vota, ndërsa në vend të tretë është renditur Gerti Bogdani me 1819 vota.
Balotazhi do të pasohet nga një garë mes të dyve në 11 dhjetor, ku PD-ja e Tiranës do të votojë mes dy emrave. Kandidati do të garojë për bashkinë e Tiranës në zgjedhjet e 14 majit 2023.