Sali Berisha vijon që të bëjë thirrje për protestën, e cila do të mbahet në orën 12:00. “Sot tirani lebetitet! Uragan i paparë në ora 12:00 në Bulevardin “Dëshmorët e Kombit””,-shkruan në rrjete sociale. Edhe pse Tirana është e blinduar nga Samiti i BE-së dhe Ballkanit Perëndimor, protesta e thirrur nga Berisha do të mbahet.
Sipas skenarëve, Berisha do të niset nga selia blu dhe më pas do ti drejtohet pjesës së bulevardit “Dëshmorët e Kombit” që nuk është brenda perimetrit të sigurisë. Nga ish-hotel Dajti deri në ambientet pranë ministrisë së Brendshme. Pritet të jetë kjo zona ku do përqendrohen protestuesit.
PD-ja e Berishës ka deklaruar se protesta do jetë paaqeësore dhe do ketë rreth 10 deri në 12 fjalime dhe mesazhe në gjuhë të huaj për të përcjellë pakënaqësitë ndaj qeverisë.