Në konferencën e përbashkët për shtyp me Charles Michel dhe presidenten e Komisionit Europian, Ursula von der Leyen, kryeministri Edi Rama iu përgjigj pyetjes “Kur do të anëtarësohet Shqipëria në BE?”.
Në përgjigjen e tij, kreu i qeverisë deklaroi se rruga e Shqipërisë drejt anëtarësimi sapo ka nisur dhe se fillimisht duhet të kryejë detyrat.
“Do të thoja që është e padrejtë ta thuash këtë sepse ecuria, përparimi që është bërë, sidomos në periudhën e fundit dhe padiskutim edhe për shkak të luftës, është i jashtëzakonshëm. Është diçka krejt ndryshe, më lini ta përmbyll pjesën time duke thënë, kur vjen fjala për anëtarësimin, duhet të bëjmë detyrat tona të shtëpisë. Ua thashë dhe ua them të gjithëve dhe nuk kam ndryshuar mendim, iu thosha se na duhet të kemi instrumentet e procesit të anëtarësimit për të forcuar institucionet tona, për të arritur në nivelin e një shteti në nivelin e BE-së. Kam të njejtin mendim edhe sot. Duhet të bëjmë detyrat e shtëpisë. Sapo kemi nisur.”