Ditën e djeshme në Tiranë u zhvillua samiti historik mes Bashkimit Europian dhe vendeve të Ballkanit Perëndimor, qëu mbyll me arritjen e marrëveshjeve të rëndësishme siç ishte ajo e tarifave të Roaming apo e universiteteve.
Ndërkohë, sot janë zbuluar edhe detaje nga dreka midis liderëve dhe menuja e përzgjedhur nga mikrpritësit shqiptarë për delegacionet nga BE.
Shefi i njohur i kuzhinës Juli Zguro zbuloi në “Ftesë në 5” se përgatitjet nisën një javë më parë dhe dreka përmbate 5 pjata kryesore.
Menuja kryesore kishte si bazë mishin dhe produktet e tokës, megjithatë nuk munguan as ushqimet e tjera me bazë peshku, vegjetariane apo pa gluten.
Zguro tregoi se presidenti francez Macron shijoi shumë pjatën e parë, tartarin e viçit me tartuf të bardhë.