Lideri i opozitës Sali Berisha është shfaqur me syze në takimin që pati me ish-Presidentin kroat Stipe Mesiç.
Ish-kryeministri shihet se mban syze dielli, pasi në fytyrën e tij ka ende shenja nga grushti i Gert Shehut, i cili e goditi teksa Berisha po marshonte së bashku me protestuesit në bulevard.
Kreu i PD ka deklaruara para ish Presidentit kroat, se personi që ishte zgjedhur për ta sulmuar është një informator i policisë kriminale.
“Personi i zgjedhur që do më godiste është informator i policisë kriminale, me të cilin është marrë një nga figurat më të zeza të historisë së shtetit shqiptar”, u shpreh Berisha.
Sjellim në vëmendje se Sali Berisha u dhunua nga 31-vjeçari Gerti Shehu ditën kur opozita mbajti protestën, në një kohë që në Tiranë ishin edhe liderët e BE.