Këngëtarja Celine Dion është diagnostikuar me sëmundjen e pashërueshme neurologjike SPS, e cila bën që muskujt e saj të tensionohen në mënyrë të pakontrolluar.
Njoftimin e ka bërë publik vetë artistja përmes një postimi në “Instagram”.
“Fatkeqësisht, intensiteti i spazmave është aq intensiv sa më vështirëson jetën e përditshme, ndikon në mënyrën se si ec, madje më shtrëngon kordat vokale aq shumë sa nuk mund të këndoj si dikur.”
Turneun, i cili supozohej të fillonte në shkurt të vitit të ardhshëm, këngëtarja vendosi ta shtyjë për pranverën e 2024.
“Më mungon të shoh publikun, të jem në skenë dhe të performoj. Gjithmonë bëj maksimumin në paraqitjet e mia, por shëndeti nuk më lejon të jem më i miri në këtë moment”, tha Dion.