31-vjeçari Gert Shehu është lënë në masën e sigurisë “arrest me burg”, në seancën e sotme të Gjykatës së Tiranës. Ai goditi me grusht në fytyrë kreun e PD-së, Sali Berishën gjatë protestës së 6 dhjetorit. Për të PD-së, sulmi është me qëllime politike dhe i orkestruar nga Edi Rama.
Shehu do të përgjigjet për akuzën e “goditjes për shkak të detyrës” dhe “plagosje me dashje” ndaj ish-kryeministrit Sali Berisha. 31-vjeçari u arrestua mbrëmjen e sulmit nga policia në Spitalin e Traumës, ku ai po trajtohet nga plagët e marra pas reagimit të truprojave të Berishës.
Shehu sipas mjekut të tij kurues, psikiatrit Sadik Lala, ka vite që trajtohet për probleme mendore, ndërkohë që për liderin e PD-së Berisha ai është një informator i policisë kriminale. Avokati i 31-vjeçarit, Ervis Lila kërkoi masë më të butë, “Arrest shtëpie”, ose shtrim i detyruar për mjekim, por nuk është pranuar nga gjykata.